قازاقستان رەسپۋبليكاسى قارجى مينيسترلىگىنىڭ بۇيرىعى  №161 

2016 جىلعى 5 ءساۋىر, استانا قالاسى كرەديتتىك سەرىكتەستىكتەرگە ارنالعان قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل جاساۋ ماقساتىندا ىشكى باقىلاۋ قاعيدالارىنا قويىلاتىن تالاپتاردى بەكىتۋ تۋرالى «قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل تۋرالى» 2009 جىلعى 28 تامىزداعى قازاقستان رەسپۋبليكاسى زاڭىنىڭ 11-بابى 3-2-تارماعىنا سايكەس بۇيىرامىن: 1. قوسا بەرىلىپ وتىرعان كرەديتتىك سەرىكتەستىكتەرگە ارنالعان قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل جاساۋ ماقساتىندا ىشكى باقىلاۋ قاعيدالارىنا قويىلاتىن تالاپتار بەكىتىلسىن. 2. قازاقستان رەسپۋبليكاسى قارجى مينيسترلىگىنىڭ قارجى مونيتورينگى كوميتەتى (ب.ش.تاجىياقوۆ) زاڭنامادا بەلگىلەنگەن تارتىپپەن: 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى; 2) وسى بۇيرىقتى مەملەكەتتىك تىركەلگەننەن كەيىن كۇنتىزبەلىك ون كۇن ىشىندە مەرزىمدى ءباسپاسوز باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى; 3) وسى بۇيرىقتى قازاقستان رەسپۋبليكاسى ادىلەت مينيسترلىگىندە العان كۇننەن باستاپ بەس جۇمىس كۇنى ىشىندە قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋ ءۇشىن قازاقستان رەسپۋبليكاسى ادىلەت مينيسترلىگىنىڭ «رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا جىبەرۋدى; 4) وسى بۇيرىقتى قازاقستان رەسپۋبليكاسىنىڭ قارجى مينيسترلىگىنىڭ ينتەرنەت-رەسۋرسىنا ورنالاستىرۋدى قامتاماسىز ەتسىن. 3.وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ قارجى ءمينيسترى ب.سۇلتانوۆ قازاقستان رەسپۋبليكاسى قارجى ءمينيسترىنىڭ 2016 جىلعى 5 ساۋىردەگى №161 بۇيرىعىمەن بەكىتىلگەن كرەديتتىك سەرىكتەستىكتەرگە ارنالعان قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل جاساۋ ماقساتىندا ىشكى باقىلاۋ قاعيدالارىنا قويىلاتىن تالاپتاردى بەكىتۋ تۋرالى 1. جالپى ەرەجەلەر 1.وسى كرەديتتىك سەرىكتەستىكتەرگە ارنال­عان قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل جاساۋ ماقساتىندا ىشكى باقىلاۋ قاعيدالارىنا قويىلاتىن تالاپتار (بۇدان ءارى – تالاپتار) «قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل تۋرالى» 2009 جىلعى 28 تامىزداعى قازاقستان رەسپۋب­ليكاسىنىڭ زاڭىنا (بۇدان ءارى – زاڭ) جانە اقشانى جىلىستاتۋعا قارسى كۇرەستىڭ قارجىلىق شارالارىن ازىرلەۋ توبىنىڭ (بۇدان ءارى – فاتف) حالىقارالىق ستاندارتتارىنا سايكەس ازىرلەنگەن. 2. وسى تالاپتاردا قارجى مونيتورينگىنىڭ سۋبەكتىلەرىنە كرەديتتىك سەرىكتەستەر (بۇدان ءارى – سۋبەكتىلەر) جاتادى. 3. ەگەر تالاپتاردا وزگەشە كوزدەلمەسە, وندا تالاپتاردا قولدانىلعان ۇعىمدار زاڭدا جانە «كرەديتتىك سەرىكتەستىكتەر تۋرالى» 2003 جىلعى 28 ناۋرىزداعى قازاقستان رەسپۋبليكاسىنىڭ زاڭىندا كورسەتىلگەن ماعىنادا پايدالانىلادى. 4. تالاپتار ماقساتىندا مىناداي نەگىزگى ۇعىمدار پايدالانىلادى: 1) اقشامەن جانە (نەمەسە) وزگە م ۇلىكپەن وپەراتسيالاردى توقتاتىپ قويۋ – سۋبەكتىلەردىڭ تەرروريزم جانە ەكسترەميزمدى نە ولاردىڭ پايداسىنا قارجىلاندىرۋمەن بايلانىستى ۇيىمدار مەن تۇلعالاردىڭ تىزبەسىنە كىرەتىن ۇيىمداردىڭ نەمەسە جەكە تۇلعانىڭ, وسىنداي جەكە تۇلعا بەنەفيتسيارلىق مەنشىك يەسى بولىپ تابىلاتىن كليەنتتىڭ نە ونىڭ پايداسىنا اقشامەن جانە (نەمەسە) وزگە دە م ۇلىكپەن جاسالاتىن وپەراتسيالاردى جۇرگىزۋدەن باس تارتۋ جولىمەن قابىلداناتىن شارالار; 2) كليەنت – سۋبەكتىلەردىڭ قىزمەتتەرىن پايدالاناتىن جەكە نەمەسە زاڭدى تۇلعا; 3) قارجى مونيتورينگىنە جاتاتىن وپەراتسيالار تۋرالى مالىمەتتەر مەن اقپارات­تىڭ نىسانى – قازاقستان رەسپۋبليكاسى ۇكىمەتىنىڭ 2012 جىلعى 23 قاراشاداعى № 1484 قاۋلىسىمەن بەكىتىلگەن قارجى مونيتورينگى سۋبەكتىلەرىنىڭ قارجى مونيتورينگىنە جاتاتىن وپەراتسيالار تۋرالى مالىمەتتەر مەن اقپاراتتى بەرۋ ەرەجەسىمەن ايقىندالعان نىسان (بۇدان ءارى – قم-1 نىسانى); 4) قىلمىستىق جولمەن الىنعان كىرىستەردى زاڭداستىرۋ (جىلىستاتۋ) جانە تەرروريزمدى قارجىلاندىرۋ تاۋەكەلدەرى – سۋبەكتىلەردى قىلمىستىق جولمەن الىنعان كىرىستەردى زاڭداستىرۋ (جىلىستاتۋ) جانە تەرروريزمدى قارجىلاندىرۋ پروتسەستەرىنە نەمەسە وزگە قىلمىستىق ىستەرگە قاساقانا نەمەسە بايقاۋسىز تارتۋ مۇمكىندىگى; 5) قىلمىستىق جولمەن الىنعان كىرىستەردى زاڭداستىرۋ (جىلىستاتۋ) جانە تەرروريزمدى قارجىلاندىرۋ تاۋەكەلدەرىن باسقارۋ – قىلمىستىق جولمەن الىنعان كىرىستەردى زاڭداستىرۋ (جىلىستاتۋ) جانە تەرروريزمدى قارجىلاندىرۋ تاۋەكەلدەرىنىڭ مونيتورينگى, ايقىنداۋ, سونداي-اق ولاردى تومەندەتۋ بويىن­شا سۋبەكتىلەر قابىلدايتىن شارالار جيىنتىعى (قىزمەتتەرگە, كليەنتتەرگە قاتىستى); 6) ۋاكىلەتتى ورگان – زاڭعا سايكەس قارجى مونيتورينگiن جۇزەگە اسىراتىن جانە قىل­مىس­تىق جولمەن الىنعان كiرiستەردi زاڭداس­تىرۋعا (جىلىستاتۋعا) جانە تەرروريزمدi قارجىلاندىرۋعا قارسى iس-قيمىل جونiندەگi وزگە دە شارالاردى قولداناتىن مەملەكەتتiك ورگان. 5. ىشكى باقىلاۋ: 1) سۋبەكتىلەردىڭ قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل (بۇدان ءارى – اج/تقق) تۋرالى قازاقستان رەسپۋبليكاسى زاڭناماسىنىڭ تالاپتارىن ورىنداۋدى قامتاماسىز ەتۋى; 2) ىشكى باقىلاۋ جۇيەسىنىڭ تيىمدىلىگىن قىلمىستىق جولمەن الىنعان كiرiستەردi زاڭداستىرۋ (جىلىستاتۋ) جانە تەرروريزمدi قارجىلاندىرۋ (بۇدان ءارى – اج/تق) تاۋەكەلدەرىن باسقارۋ ءۇشىن جەتكىلىكتى دەڭگەيدە قولداۋى; 3) اج/تقق تاۋەكەلدەرىن تومەندەتۋ ماقساتىن­دا جۇزەگە اسىرىلادى. 6. سۋبەكتىلەر ىشكى باقىلاۋ قاعيدالارىن (بۇدان ءارى – ىبق) ۇيىمداستىرۋ جانە ساقتاۋ بويىنشا جاۋاپتى تۇلعا بولىپ تابىلادى. 7. سۋبەكتىلەر ىبق ازىرلەۋ, قابىلداۋ جانە (نەمەسە) ورىنداۋ مىندەتتەمەلەرىنىڭ جانە ونى جۇزەگە اسىرۋ باعدارلامالارىنىڭ ورىندالماۋىنا «اكىمشىلىك قۇقىق بۇزۋشىلىق تۋرالى» 2014 جىلعى 5 شىلدەدەگى قازاقستان رەسپۋبليكاسىنىڭ كودەكسىنە سايكەس اكىمشىلىك جاۋاپكەرشىلىكتە بولادى. 8. ىبق اج/تقق-عا باعىتتالعان جۇمىستىڭ ۇيىمدىق نەگىزدەرىن رەتتەيتىن جانە سۋبەكتى­لەردىڭ اج/تقق ماقساتىندا ءىس-ارەكەت جاساۋ ءتارتىبىن بەلگىلەيتىن قۇجات بولىپ تابىلادى. 9. زاڭنىڭ 11-بابىنىڭ 3-تارماعىنا سايكەس ىبق مىناداي: اج/تقق ماقساتىندا ىشكى باقىلاۋدى ۇيىمداستىرۋ باعدارلاماسىن; تەحنولوگيالىق جەتىستىكتەردى پايدالانۋ تاۋەكەلىن قوسا العاندا, كليەنتتەردىڭ تاۋەكەلدەرىن جانە كورسەتىلەتىن قىزمەتتەردى قىلمىستىق ماقساتتاردا پايدالانۋ تاۋەكەل­دەرىن ەسكەرەتىن, اج/تق تاۋەكەلىن باسقارۋ باع­دارلاماسىن; كليەنتتەردى سايكەستەندىرۋ باعدارلاماسىن; كليەنتتەردىڭ كۇردەلى, ەرەكشە ءىرى جانە باسقا دا ەرەكشە وپەراتسيالارىن زەردەلەۋدى قوسا العاندا, كليەنتتەردىڭ وپەراتسيالارىنا مونيتورينگ جۇرگىزۋ جانە ولاردى زەردەلەۋ باعدارلاماسىن; قارجى مونيتورينگى سۋبەكتىلەرىنىڭ قىز­مەتكەرلەرىن اج/تقق ماسەلەلەرى بويىنشا دايارلاۋ جانە وقىتۋ باعدارلاماسىن; ىبق-نا سايكەس قارجى مونيتورينگى سۋبەكتىلەرى ازىرلەيتىن وزگە دە باعدارلامانى قامتيدى. 10. ىبق-نى ۇيىمداستىرۋ, ىسكە اسىرۋ جانە ساقتاۋ مونيتورينگى بويىنشا ىبق جاۋاپتى لاۋازىمدى تۇلعا نە قۇرىلىمدىق بولىمشە تاعايىنداۋدى كوزدەيدى. جاۋاپتى تۇلعانىڭ لاۋازىمىنا جوعارى ءبىلىمى جوق, قارجى نەمەسە ميكروقارجى (ميكروكرەديتتىك) ۇيىمدارىندا ەڭبەك ءوتىلى 2 (ەكى) جىلدان از (تەحنيكالىق نەمەسە قوسالقى پەرسونال لاۋازىمدارىنداعى جۇمىس تاجىريبەسىن قوسپاعاندا), ەكونوميكالىق قىزمەت سالاسىندا اۋىرلىعى ورتاشا, اۋىر جانە اسا اۋىر قاساقانا جاسالعان قىلمىستارى ءۇشىن الىنباعان جانە جويىلماعان سوتتالعاندىعى بار تۇلعا تاعايىندالمايدى. 11. اج/تقق تۋرالى زاڭناماعا وزگەرىستەر مەن (نەمەسە) تولىقتىرۋلار ەنگىزىلگەن جاعدايدا, سۋبەكتىلەر كۇنتىزبەلىك 30 كۇن ىشىندە ىبق-عا ءتيىستى وزگەرىستەر مەن تولىقتىرۋلار ەنگىزەدى. 2. ىشكى باقىلاۋدى ۇيىمداستىرۋ باعدارلاماسى 12. ىشكى باقىلاۋدى ۇيىمداستىرۋ باعدار­لاماسى: 1) اج/تقق ماقساتىندا ىشكى باقىلاۋدى جۇزەگە اسىرۋ بارىسىندا سۋبەكتىلەر قىزمەتىنىڭ سيپاتتاماسىن قوسا العاندا ىشكى باقىلاۋدى ۇيىمداستىرۋ تارتىبىنەن; 2) اقشامەن جانە (نەمەسە) وزگە دە م ۇلىكپەن وپەراتسيا جاساۋدان باس تارتۋ ءتارتىبى زاڭنىڭ 5-بابى 3-تارماعىنىڭ 1), 2), 2-1), 4) جانە 6) تارماقشالارىندا كوزدەلگەن شارالاردى قولدانۋ مۇمكىن بولماعان جاعدايدا, كليەنتپەن ىسكەرلىك قاتىناسقا تىيىم سالۋ جانە توقتاتۋ جونىندەگى شارالاردى قابىلداۋ, زاڭنىڭ 5-بابى 3-تارماعىنىڭ 6) تارماقشاسىندا كوزدەلگەن شارالاردى قابىلداۋ مۇمكىن بولماعان جاعدايدا جەكە نەمەسە زاڭدى تۇلعاعا ىسكەرلىك قاتىناستاردى ورناتۋدان باس تارتۋ تارتىبىنەن; 3) زەردەلەۋگە جاتاتىن كۇردەلى, ەرەكشە ءىرى جانە باسقا دا ەرەكشە وپەراتسيالاردى سۋبەكتىلەردىڭ كۇدىكتى وپەراتسيا رەتىندە تانۋ تارتىبىنەن; 4) ۋاكىلەتتى ورگانعا مالىمەتتەردى, اقپاراتتى جانە قۇجاتتاردى بەرۋ ءۇشىن قولدانىلاتىن اۆتوماتتاندىرىلعان اقپاراتتىق جۇيەلەر جانە باعدارلامالىق قامتۋ جۇمىسىنىڭ نۇسقامالارى مەن رەگلامەنتتەرىن قوسا العاندا, ۋاكىلەتتى ورگانعا قارجى مونيتورينگىنە جاتاتىن وپەراتسيالار تۋرالى مالىمەتتەر مەن اقپاراتتى, كليەنتپەن ىسكەرلىك قاتىناستار ورناتۋدان باس تارتۋ, كليەنتپەن ىسكەرلىك قاتىناستاردى توقتاتۋ, اقشامەن جانە (نەمەسە) وزگە م ۇلىكپەن وپەراتسيا جۇرگىزۋدەن باس تارتۋ فاكتىلەرىن بەرۋ تارتىبىنەن; 5) كليەنتتىڭ دەرەكناماسىن جانە ونىمەن حات-حابار الماسۋدى قوسقاندا, كليەنتتى تيىسىنشە تەكسەرۋ ناتيجەلەرى بويىنشا الىنعان قۇجاتتار مەن مالىمەتتەردى, قارجى مونيتورينگىنە جاتاتىن اقشامەن جانە (نەمەسە) وزگە م ۇلىكپەن وپەراتسيالار, سونىمەن قاتار كۇدىكتى وپەراتسيالار تۋرالى قۇجاتتار مەن مالىمەتتەردى, سونداي-اق بارلىق كۇردەلى, ەرەكشە ءىرى جانە باسقا دا ەرەكشە وپەراتسيالاردى زەردەلەۋ ناتيجەلەرىن قۇجاتتىق تىركەۋ جانە ساقتاۋ تارتىبىنەن تۇرادى. قارجى مونيتورينگىنە جاتاتىن جانە ۋاكىلەتتى ورگانعا بەرىلەتىن وپەراتسيالاردى قۇجاتتىق تىركەۋ نومىرلەنگەن, تىگىلگەن, باسشىنىڭ قولى جانە مورىمەن بەكىتىلگەن قارجى مونيتورينگىنە جاتاتىن وپەراتسيالار تۋرالى مالىمەتتەرىنىڭ ەسەبى جۋرنالىندا جازىلادى. قارجى مونيتورينگىنە جاتاتىن وپەراتسيالار تۋرالى مالىمەتتەرىنىڭ ەسەبى جۋرنالىندا: اقپاراتتى ۋاكىلەتتى ورگانعا بەرۋ ءنومىرى مەن كۇنى; حابارلاما بەرۋ نەگىزى; ۋاكىلەتتى ورگاننىڭ قم-1 نىسانىن قابىل­داعانى/قابىلداماعانى تۋرالى حابارلا­مانىڭ ءنومىرى مەن كۇنى; 6) سۋبەكتىلەردىڭ قىزمەتكەرلەرى ولارعا بەلگىلى بولعان اج/تقق تۋرالى زاڭنامانى, ىبق-نى سۋبەكتىلەر قىزمەتكەرلەرىنىڭ بۇزۋ فاكتىلەرى تۋرالى باسشىنى اقپاراتتاندىرۋ تارتىبىنەن تۇرادى. 13. ىشكى باقىلاۋدى ۇيىمداستىرۋ باع­دارلاماسىنا سايكەس سۋبەكتىلەردىڭ فۋنكتسيالارى: 1) ىبق-عا وزگەرىستەر مەن (نەمەسە) تولىق­تىرۋلار ەنگىزۋدى; 2) زاڭعا سايكەس قارجى مونيتورينگىنە جاتاتىن وپەراتسيالار تۋرالى مالىمەتتەر مەن اقپاراتتى ۋاكىلەتتى ورگانعا بەرۋدى ۇيىمداستىرۋ جانە باقىلاۋدى; 3) كليەنت وپەراتسيالارىن كۇدىكتى رەتىندە تانۋ تۋرالى شەشىمدەر قابىلداۋدى; 4) كليەنت وپەراتسيالارىن كۇردەلى, ەرەكشە ءىرى جانە باسقا دا ەرەكشە وپەراتسيالارعا جاتقىزۋ تۋرالى شەشىمدەر قابىلداۋدى; 5) كليەنت وپەراتسيالارىن توقتاتۋ نە جۇرگىزۋدەن باس تارتۋ جانە ۋاكىلەتتى ورگانعا جىبەرۋ قاجەتتىگى تۋرالى شەشىمدەر قابىلداۋدى; 6) كليەنتتەرمەن ىسكەرلىك قاتىناستار ورناتۋ, جالعاستىرۋ نە توقتاتۋ تۋرالى شەشىمدەر قابىلداۋدى; 7) كليەنتكە (ونىڭ وكىلىنە) جانە بەنە­فيتسيارلىق مەنشىك يەسىنە قاتىستى قابىلدانعان شەشىمدەردى قۇجاتتىق تىركەۋدى; 8) ىبق-نى ىسكە اسىرۋ بارىسىندا الىنعان دەرەكتەر نەگىزىندە كليەنتتىڭ دەرەكناماسىن قالىپتاستىرۋدى; 9) تاۋەكەلدەردى باسقارۋ جانە ىشكى باقىلاۋ جۇيەسىن جەتىلدىرۋ جونىندە شارالار قابىلداۋدى; 10) كليەنتتىڭ دەرەكناماسىن جانە ونىمەن حات-حابار الماسۋدى قوسا العاندا, كليەنتتى تيىسىنشە تەكسەرۋ ناتيجەلەرى بويىنشا الىنعان قۇجاتتار مەن مالىمەتتەر, قارجى مونيتورينگىنە جاتاتىن اقشامەن جانە (نەمەسە) وزگە م ۇلىكپەن وپەراتسيالار جانە كۇدىكتى وپەراتسيالار تۋرالى قۇجاتتار مەن مالىمەتتەر, سونداي-اق بارلىق كۇردەلى, ەرەكشە ءىرى جانە باسقا دا ەرەكشە وپەراتسيالاردى زەردەلەۋ ناتيجەلەرى كليەنتپەن ىسكەرلىك قاتىناستاردى توقتاتقان كۇننەن باستاپ كەمiندە بەس جىل ساقتاۋدى قامتاماسىز ەتۋ; 11) اج/تقق تۋرالى زاڭناماعا سايكەس وزگە قىزمەتتەر. 14. سۋبەكتىلەر جۇكتەلگەن فۋنكتسيالارعا سايكەس: 1) ءوز قىزمەتىن جۇزەگە اسىرۋ بارىسىندا الىن­عان اقپاراتتى قۇپيا ساقتاۋدى قامتاماسىز ەتەدى; 2) اج/تقق تۋرالى زاڭنامانىڭ ورىندالۋىن باقىلاۋدى جۇزەگە اسىرۋ ءۇشىن ءتيىستى مەملەكەتتىك ورگاندارعا اقپارات بەرەدى; 3) زاڭنىڭ 10-بابىنىڭ 3-1-تارماعىنا سايكەس ۋاكىلەتتى ورگانعا ونىڭ سۇراتۋى بويىنشا قاجەتتى اقپاراتتى, مالىمەتتەر مەن قۇجاتتاردى ۇسىنادى. 15. سۋبەكتىلەر كليەنتتەر مەن وزگە دە تۇلعالارعا وسىنداي كليەنتتەر تۋرالى جانە ولار جاسايتىن وپەراتسيالار تۋرالى اقپاراتتى, مالىمەتتەر مەن قۇجاتتاردى ۋاكىلەتتى ورگانعا بەرگەنى تۋرالى حابارلامايدى. 3. اج/تق تاۋەكەلىن باسقارۋ باعدارلاماسى 16. اج/تق تاۋەكەلىن باسقارۋ باعدارلاماسى سۋبەكتىلەردىڭ تاۋەكەل دەڭگەيىن بەرە وتىرىپ اج/تق-مەن بايلانىستى اقشامەن جانە (نەمەسە) وزگە م ۇلىكپەن كليەنتتىڭ وپەراتسيالار جاساۋ تاۋەكەلىنە باعالاۋ جۇرگىزۋىن كوزدەيدى. تاۋەكەلدەر دەڭگەيى كليەنت (ونىڭ وكىلى) جانە بەنەفيتسيارلىق مەنشىك يەسى تۋرالى قولدا بار مالىمەتتەر نەگىزىندە قالىپتاستىرىلادى. تاۋەكەلدەردى باعالاۋ قورىتىندىلارى قۇجاتتىق تىركەلەدى جانە ءتيىستى مەملەكەتتىك ورگاندار مەن سۋبەكتىلەر مۇشە بولىپ تابىلاتىن قارجى ەمەس ۇيىمداردىڭ تالاپ ەتۋى بويىنشا ۇسىنىلادى. كليەنتكە بەرىلگەن تاۋەكەلدەر دەڭگەيى قاجەتتىلىگىنە قاراي, الايدا جىلىنا كەمىندە ءبىر رەت قايتا قارالادى. 17. اج/تق تاۋەكەلىن باسقارۋ باعدارلاما­سىندا تاۋەكەلدىڭ جوعارى دەڭگەيى: 1) مىناداي: فاتف ۇسىنىمدارىن ورىندامايتىن جانە (نەمەسە) جەتكىلىكتى ورىندامايتىن; جەمقورلىق نەمەسە وزگە قىلمىستىق ارەكەتتەرى جوعارى دەڭگەيدەگى; بىرىككەن ۇلتتار ۇيىمى ء(ارى – بۇۇ) سالاتىن سانكتسيالارعا, ەمبارگو جانە سول سياقتى شارالارعا ۇشىراعان; تەرروريستىك (ەكسترەميستىك) ارەكەتتەردى قارجىلاندىراتىن نەمەسە قولداۋ كورسەتەتىن جانە بەلگىلەنگەن تەرروريستىك (ەكسترەميستىك) ۇيىمدارى بار. ەسكەرتپە. وسىنداي مەملەكەتتەرگە (اۋ­ماقتارعا) بۇۇ-نىڭ جانە حالىقارالىق ۇيىمداردىڭ مالىمەتتەرى بويىنشا سىلتەمەلەر ۋاكىلەتتى ورگاننىڭ رەسمي ينتەرنەت-رەسۋرسىندا جاريالانادى. 2) مىناداي جاعدايلاردا كليەنتكە: كليەنت شەتەلدiك جاريا لاۋازىمدى تۇلعا بولىپ تابىلعان; كليەنت جاريا حالىقارالىق ۇيىمنىڭ لاۋازىمدى تۇلعاسى بولىپ تابىلعان; كليەنت شەتەلدiك جاريا لاۋازىمدى تۇلعانىڭ مۇددەسىنە (پايداسىنا) ارەكەت ەتەتىن تۇلعا بولىپ تابىلعان; كليەنت شەتەلدiك جاريا لاۋازىمدى تۇلعانىڭ زايىبى, جاقىن تۋىسى بولىپ تابىلعان; كليەنت (ونىڭ وكىلى) نە بەنەفيتسيارلىق مەنشىك يەسى نە كليەنتتىڭ كونتراگەنتى وپەراتسيا بويىنشا نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6058 بولىپ تىركەلگەن «قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل تۋرالى» قازاقستان رەسپۋبليكاسى زاڭىنىڭ ماقساتتارى ءۇشىن وففشورلىق ايماقتار تىزبەسىن بەكىتۋ تۋرالى» قازاقستان رەسپۋبليكاسى قارجى ءمينيسترىنىڭ مىندەتتىن اتقارۋشى 2010 جىلعى 10 اقپانداعى № 52 بۇيرىعىمەن (بۇدان ءارى – بۇيرىق) بەكىتىلگەن وففشورلىق ايماقتار تىزبەسىنە ەنگەن مەملەكەتتە (اۋماقتا) تىركەلگەن نەمەسە قىزمەتىن جۇزەگە اسىرعان; كليەنت زاڭنىڭ 12-بابىنا سايكەس تەرروريزمدى جانە ەكسترەميزمدى قارجىلاندىرۋمەن بايلانىستى ۇيىمدار مەن تۇلعالاردىڭ تىزبەسىنە ەنگەن; كليەنت ازاماتتىعى جوق بولىپ تابىلعان; كليەنت قازاقستان رەسپۋبليكاسىندا تىركەلگەن نەمەسە كەلگەن مەكەنجايى بولماعان قازاقستان رەسپۋبليكاسىنىڭ ازاماتى بولىپ تابىلعان; كليەنت رەزيدەنت ەمەس بولىپ تابىلعان; كليەنتپەن ىسكەرلىك قاتىناس ەرەكشە (مىسالى, سۋبەكتى مەن كليەنتتىڭ اراسىندا تۇسىنىكسىز گەوگرافيالىق اراقاشىقتىق بار) جاعدايلاردا جۇزەگە اسىرىلعان; كليەنتتىڭ قىزمەتى قولما-قول اقشانىڭ قار­قىندى اينالىمىمەن بايلانىستى; كليەنت بەرگەن مالىمەتتەردى تەكسەرۋ كەزىندە سۋبەكتىدە قيىندىقتار پايدا بولعان; كليەنت اسىعىس وپەراتسيا جۇرگىزۋدى تالاپ ەتكەن; كليەنت پايدالانىلۋى سۋبەكتىنىڭ ادەتتەگى تاجىريبەسىنەن ايرىقشالاناتىن, ستاندارتتى ەمەس نەمەسە ەسەپ ايىرىسۋدىڭ ادەتتەگىدەن كۇردەلى سحەمالار جۇرگىزۋدى تالاپ ەتكەن; كليەنت جاڭا جانە دامىپ كەلە جاتقان تەحنولوگيالار سياقتى جاڭا, سونداي-اق ءىس جۇزىندە بار ونىمدەرگە بەرۋدىڭ جاڭا مەحانيزمدەرىن قوسا العاندا جاڭا ونىمدەردى جانە جاڭا ىسكەرلىك تاجىريبەنى پايدالانعان; كليەنت قارجى مونيتورينگى راسىمدەرىنەن جالتارۋعا باعىتتالعان ءىس-قيمىل جاساعان; كليەنت وپەراتسيالارى بۇرىن كۇدىكتى دەپ تانىلعان; اج/تق-نىڭ جوعارى تاۋەكەلىمەن بايلانىستى كليەنت تۋرالى وزگە اقپارات بولعان جاعدايدا; 3) وپەراتسيالار: قولما-قول ەسەپ ايىرىسۋدى قوسا العاندا, جاسىرىن بانك شوتتارىمەن نەمەسە جاسىرىن, ويلاپ تابىلعان ەسىمدەردى پايدالانۋمەن بايلانىستى; ايقىن ەكونوميكالىق ءمانى جوق نەمەسە انىق قويىلعان زاڭدى ماقساتى جوق; كليەنتكە ءتان ەمەس جيىلىكپەن جۇرگىزىلگەن; ەرەكشە ءىرى سوماعا جۇرگىزىلگەن; اج/تق-نىڭ جوعارى تاۋەكەلى تۋرالى اقپارات بار بولعان جاعدايدا بەرىلەدى. ەسكەرتپە. اج/تق تاۋەكەلىنىڭ جوعارى دەڭگەيى بەرىلگەن كليەنتتەرگە زاڭنىڭ 5-بابى 7-تارماعىنا سايكەس كليەنتتەردى تيىسىنشە تەكسەرۋدىڭ كۇشەيتىلگەن شارالارى قولدانىلادى. 18. اج/تق تاۋەكەلىن باسقارۋ باعدارلاماسىندا تاۋەكەلدىڭ تومەن دەڭگەيى: 1) مىناداي: زاڭنىڭ 4-تارماعىنىڭ 4-تارماقشاسىنا سايكەس فاتف ۇسىنىستارىن ورىندامايتىن جانە (نەمەسە) جەتكىلىكتى ورىندامايتىن مەملەكەتتەر (اۋماقتار) تىزبەسىنە ەنبەگەن; جەمقورلىق نەمەسە وزگە قىلمىستىق ارەكەتتەرى تومەن دەڭگەيدەگى مەملەكەتتەن (اۋماقتان) كەلگەن جەكە جانە زاڭدى تۇلعالاردىڭ ىسكەرلىك قاتىناستارى مەن مامىلەلەرىنە; 2) كليەنتكە ەگەر كليەنت: قارجى مەكەمەسى – قارجى مونيتورينگى سۋ­بەكتىسى بولعان جانە سوڭعى ءبىر جىلدا اج/تقق تۋرالى زاڭنامانى ساقتاماعانى ءۇشىن اكىمشىلىك جاۋاپكەرشىلىككە تارتىلماعان جاعدايدا; قازاقستان رەسپۋبليكاسىنىڭ مەملەكەتتىك ورگانى بولىپ تابىلعاندا; قور بيرجادا تىركەلگەن ۇيىم بولىپ تابىل­عاندا; 3) مىناداي: مەملەكەتتىك قىزمەتشىلەردىڭ م ۇلىكتى (كوم­مەرتسيالىق ۇيىمداردىڭ جارعىلىق كاپي­تالىنداعى ۇلەستەردى, اكتسيالاردى جانە وزگە م ۇلىكتى, سونىمەن قاتار جالداۋعا بەرىلگەن م ۇلىكتى) سەنىمگەرلىكپەن باسقارۋعا بەرۋ بويىنشا; م ۇلىكتى پايدالانۋ ءتارتىبى تۋرالى شارتتى كۋالاندىرۋمەن بايلانىستى وپەراتسيالارعا بەرىلەدى. اج/تق تاۋەكەلىنىڭ تومەن دەڭگەيى بەرىلگەن كليەنتتەرگە اج/تقق تۋرالى زاڭنىڭ 5-بابى 7-تارماعىنا سايكەس كليەنتتەردى تيىسىنشە تەك­سەرۋدىڭ جەڭىلدەتىلگەن شارالارى قولدا­نىلادى. 4. كليەنتتەردى سايكەستەندىرۋ باعدارلاماسى 19. كليەنتتەردى سايكەستەندىرۋ باعدارلاماسى سۋبەكتىلەردىڭ كليەنت جۇزەگە اسىرعان وپەراتسيالاردى قارجىلاندىرۋ كوزى تۋرالى مالىمەتتەردى قوسا العاندا, كليەنتتەر (ولاردىڭ وكىلى) جانە بەنەفيتسيارلىق مەنشىك يەلەرى تۋرالى بۇرىن الىنعان مالىمەتتەردى انىقتاۋ, جاڭارتۋ بويىنشا ءىس-شارالاردى جۇرگىزۋى بولىپ تابىلادى جانە: 1) زاڭنىڭ 5-بابىنىڭ تالاپتارىنا سايكەس كليەنتتى (ونىڭ وكىلىن) جانە بەنەفيتسيارلىق مەنشىك يەسىن تيىسىنشە تەكسەرۋ جونىندەگى شارالاردى ساقتاۋ; 2) زاڭنىڭ 5-بابى 3-تارماعىنىڭ 6) تار­ماق­شاسىنا سايكەس كليەنت (ونىڭ وكىلى) جانە بەنەفيتسيارلىق مەنشىك يەسى تۋرالى ءمالى­مەتتەردىڭ دۇرىستىعىن تەكسەرۋ; 3) زاڭنىڭ 12-بابىنا سايكەس تەرروريزمدى جانە ەكسترەميزمدى قارجىلاندىرۋمەن بايلانىستى ۇيىمدار مەن تۇلعالاردىڭ تىزبەسىندە كوزدەلگەندەي كليەنتكە (ونىڭ وكىلىنە) جانە بەنەفيتسيارلىق مەنشىك يەسىنە قاتىستى ولاردىڭ تەرروريزمدى جانە ەكسترەميزمدى قارجىلاندىرۋمەن بايلانىسى بولعاندىعى نەمەسە جوقتىعى; 4) زاڭنىڭ 8-بابىنىڭ تالاپتارىنا سايكەس كليەنتتiڭ شەتەلدiك جاريا لاۋازىمدى تۇلعاعا, ونىڭ وتباسى مۇشەلەرىنە جانە جاقىن تۋىستارىنا جاتاتىنىن جانە (نەمەسە) قاتىسى بولعاندىعىن تەكسەرۋ; 5) سايكەسىنشە تىركەۋى, تۇراتىن جەرى نەمەسە ورنالاسقان جەرى بار كليەنتتەردى انىقتاۋ: فاتف ۇسىنىمدارىن ورىندامايتىن جانە (نەمەسە) جەتكىلىكتى ورىندامايتىن مەملەكەتتە (اۋماقتا) نە زاڭنىڭ 4-بابى 4-تارماعىنىڭ 4) تارماقشاسىنا سايكەس كورسەتىلگەن مەملەكەتتە (كورسەتىلگەن اۋماقتا) تىركەلگەن بانكتەگى شوتتاردى پايدالانۋشى; بۇيرىقپەن بەكىتىلگەن وففشورلىق ايماق­تاردا; 6) بولجامدالاتىن ماقساتتار مەن ىسكەرلىك قاتىناستار سيپاتىن بەلگىلەۋ. ەسكەرتپە: اج/تق تاۋەكەلىنىڭ دەڭگەيى جوعارى كليەنت ءۇشىن بولجامدالاتىن ماقساتتار مەن ىسكەرلىك قاتىناستار سيپاتىن بەلگىلەۋ كەزىندە جاسالاتىن وپەراتسيالاردىڭ قىزمەت ءتۇرى مەن قارجىلاندىرۋ كوزى تۋرالى قوسىمشا مالىمەتتەر سۇراتىلادى. اج/تق تاۋەكەلىنىڭ دەڭگەيى تومەن كليەنت ءۇشىن بولجامدالاتىن ماقساتتار مەن ىسكەر­لىك قاتىناستار سيپاتىن بەلگىلەۋ كليەنت وپەراتسيالارىنىڭ سيپاتى نەگىزندە انىقتالادى. 7) تاۋەكەلدەردى باسقارۋ باعدارلاماسىنا سايكەس كليەنتتى تيىسىنشە تەكسەرۋ بويىنشا بەرىلگەن تاۋەكەل دەڭگەيىنە قاراي كليەنتكە شارا قولدانۋ; 8) كليەنتتەردى سايكەستەندىرۋ ناتيجەلەرى بويىنشا الىنعان مالىمەتتەردى كليەنت (ونىڭ وكىلى) جانە بەنەفيتسيارلىق مەنشىك يەسى تۋرالى سايكەستەندىرۋ مالىمەتتەرىنىڭ وزگەرۋىنە قاراي, الايدا جىلىنا كەمىندە ءبىر رەت جاڭارتۋ راسىمدەرىن قامتيدى. اج/تق تاۋەكەلىنىڭ دەڭگەيى جوعارى كليەنت (ونىڭ وكىلى) جانە بەنەفيتسيارلىق مەنشىك يەسى تۋرالى مالىمەتتەردى جاڭارتۋ كەم دەگەندە جارتى جىلدا ءبىر رەت جۇزەگە اسىرىلادى. اج/تق تاۋەكەلىنىڭ دەڭگەيى تومەن كليەنت (ونىڭ وكىلى) جانە بەنەفيتسيارلىق مەنشىك يەسى تۋرالى مالىمەتتەردى جاڭارتۋ كەم دەگەندە ەكى جىلدا ءبىر رەت جۇزەگە اسىرىلادى. كليەنتكە ىسكەرلىك قاتىناستاردى ورناتۋدان جانە اقشامەن جانە (نەمەسە) وزگە م ۇلىكپەن وپەراتسيا جاساۋدان باس تارتىلعان جاعدايدا, زاڭنىڭ 5-بابى 3-تارماعىنىڭ 1), 2), 2-1), 4) جانە 6) تارماقشالارىندا كوزدەلگەن شارالاردى قابىلداۋ مۇمكىن بولماعان جاعدايدا, سۋبەكتىلەر ۋاكىلەتتى ورگانعا وسىنداي باس تارتۋ فاكتىسى تۋرالى قم-1 نىسانى بويىنشا حابارلاما جىبەرەدى. زاڭنىڭ 5-بابى 3-تارماعىنىڭ 6) تارماق­شاسىندا كوزدەلگەن شارالاردى قابىلداۋ مۇمكiن بولماعان جاعدايدا, سونداي-اق كليەنت جاسايتىن وپەراتسيالاردى زەردەلەۋ پروتسەسىندە كليەنت ىسكەرلىك قاتىناستاردى اج/تق ماقساتىندا پايدالانادى دەگەن كۇدىك تۋىنداعان جاعدايدا, سۋبەكتىلەر كليەنتپەن ىسكەرلىك قاتىناستاردى توقتاتادى. ەگەر ىسكەرلىك قاتىناستار جوعارىدا كورسەتىلگەن نەگىزدەر بويىنشا توقتاتىلسا, سۋبەكتىلەر ۋاكىلەتتى ورگانعا قم-1 نىسانى بويىنشا حابارلاما جىبەرەدى. 5. كليەنتتەردىڭ كۇردەلى, ەرەكشە ءىرى جانە باسقا دا ەرەكشە وپەراتسيالارىن زەردەلەۋدى قوسا العاندا, كليەنتتەردىڭ وپەراتسيالارىنا مونيتورينگ جۇرگىزۋ جانە ولاردى زەردەلەۋ باعدارلاماسى 20. سۋبەكتىلەر مىناداي وپەراتسيالاردى انىقتاۋدى قامتيتىن, كليەنتتەردىڭ كۇردەلى, ەرەكشە ءىرى جانە باسقا دا ەرەكشە وپەراتسيالارىن زەردەلەۋدى قوسا العاندا, كليەنتتەردىڭ وپەراتسيالارىنا مونيتورينگ جۇرگىزۋ جانە ولاردى زەردەلەۋ باعدارلاماسىن ازىرلەيدى: 1) زاڭنىڭ 4-بابىنىڭ 1 جانە 2-تارماقتارىندا كورسەتىلگەن; 2) زاڭنىڭ 4-بابىنىڭ 3-تارماعىندا كورسە­تىلگەن; 3) زاڭنىڭ 4-بابىنىڭ 4-تارماعىندا كورسە­تىلگەن. 21. سۋبەكت كليەنتكە اج/تق تاۋەكەلىنىڭ جوعارى دەڭگەيىن بەرگەن جاعدايدا, جوسپارلانعان نەمەسە جۇرگىزىلگەن وپەراتسيالاردىڭ سەبەپتەرىن انىقتاۋ ماقساتىندا كليەنتتىڭ اتالعان سۋبەكتىدە وتكىزىلگەن بارلىق وپەراتسيالاردى قوسىمشا زەردەلەيدى جانە تەكسەرۋدى تالاپ ەتەتىن وپەراتسيالاردىڭ سيپاتىن انىقتايدى. سۋبەكت كليەنتكە اج/تق تاۋەكەلىنىڭ تومەن دەڭگەيىن بەرگەن جاعدايدا كليەنتتىڭ اعىمداعى وپەراتسياسىن زەردەلەيدى. 22. كليەنتتەردىڭ وپەراتسيالارىنا مونيتورينگ جۇرگىزۋ جانە ولاردى زەردەلەۋ باعدارلاماسىن ىسكە اسىرۋ اياسىندا الىنعان مالىمەتتەر قۇجاتتىق تىركەلەدى جانە كليەنتتىڭ دەرەكناماسىنا ەنگىزىلەدى. 23. زاڭنىڭ 4-بابى 1, 2 جانە 3-تارماقتارىندا كورسەتىلگەن كليەنتتىڭ انىقتالعان وپەراتسيالارى تۋرالى مالىمەتتەر مەن اقپاراتتار ۋاكىلەتتى ورگانعا قم-1 نىسانى بويىنشا ۇسىنىلادى. 24. سۋبەكتىلەر مىندەتتى زەردەلەۋگە جاتاتىن وپەراتسيالار تۋرالى حابارلامانى وسىنداي وپەراتسيا كۇدىكتى رەتىندە تانىلعان كۇننەن كەيىنگى كەلەسى جۇمىس كۇنىنەن كەشiكتiرمەي ۋاكىلەتتى ورگانعا ۇسىنادى. 6. اج/تقق ماسەلەسى بويىنشا دايارلاۋ جانە وقىتۋ باعدارلاماسى 25. اج/تقق ماسەلەسى بويىنشا دايارلاۋ جانە وقىتۋ باعدارلاماسى نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10001 بولىپ تىركەلگەن «قارجى مونيتورينگى سۋبەكتىلەرىن جۇمىسكەرلەردى دايارلاۋ جانە وقىتۋ بويىنشا قويىلاتىن تالاپتاردى بەكىتۋ تۋرالى» قازاقستان رەسپۋبليكاسى قارجى ءمينيسترىنىڭ 2014 جىلعى 28 قاراشاداعى № 533 بۇيرىعىمەن بەكىتىلگەن جۇمىسكەرلەردى دايارلاۋ جانە وقىتۋ جونىندە قويىلاتىن تالاپتارعا سايكەس ازىرلەنەدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 5 مامىردا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13688 بولىپ ەنگىزىلدى.